قصيده مؤثره قديمه كنت ارددها مع نفسي

[السد العالي]

قصيده لشاعر معروف بندر بن سرور وهذه القصيد ه معبره ولا تعليق لدي

يالله ياجالي الامور المهمه
تجلا وهج قلب(ن) برى الهم راعيه
البر دجته والبحر رحت يمه
يقطعك ياحظ (ن) على الله مشاكيه
يوم ان ولد اللاش رزقه على امه
رزقي على اللي ميت القشع يحييه
يامل قلب(ن) كل مامات همه
دارت دواليب الدهر لين تحييه
افراق شمل الناس عيا يلمه
وقت يشيب الراس من شاية فيه
احد(ن) ينام وحط راسه بكمه
واحد(ن) تخم النوم عينه وتخطيه
واحد(ن) يحاول بالردى بنت عمه
واحد(ن) يحاول ستر عذرى عوانيه
ماني وانا بندر ببياع دمه
يقطعك يابياع دمه وشاريه
اللي يبيّع لابسات الازمه
ثور(ن) يبي بيض الرعابيب تغنيه
يزعل ليا جت ليلة الدور يمه
يرضى بسوق المال فخوه وفابيه
خطو البخيل اللي يكبر معمه
يقرا الكتاب وواجب الله يخليه
اما هرج لك في رفيقه بنمه
والا عطا وامه تضيع هقاويه
أنشدك ياللي كل فرض(ن) تتمه
تقرا الكتاب وكل فرض(ن) تصليه
ويش القليب اللي غميق(ن) مجمه
مافاد غرسه ماه عطشى سوانيه
تخالف الانظار شرق(ن) ويمه
وكل(ن) هدف رآيه من الناس مرضيه
سم السبب ياعارف عنه سمه
سم السبب ياعارفه قبل اسميه

[السد العالي]

شكرا لمرورك وتعطيرك موضوعي

[تكنولوجيا المعلومات]

بعد هذه القصيده الرائعه للشاعر الكبير بند بن سرور ( يالله ياجالي الامور المهمه
تجلا وهج قلب(ن) برى الهم راعيه ) تردد على لسان أبناء عم بندر بن سرور وأفراد قبيلته أنه مرجوج . ولكنه لا يهتم لكلام أحد وقد كان بندر بن سرور مشاغبا ومزعجا للسلطات في أثناء حكم الملك فيصل حيث كان يهرب البضائع من الكويت ليكسب من خلال أرباحها لأختلاف السعر في ذلك الوقت ..

وكان أمير المنطقة الشرقية سعود بن جلوي (http://www.al3zof.com/vv/t5473.html)غاضبا من بندر حيث قبض عليه اكثر من مره ويخرجه أمير عتيبة تركي بن ربيعان (http://www.al3zof.com/vv/t5473.html)أمير الفوج التاسع بالحرس الوطني وهو من شيوخ قبيلة عتيبة وكان يأخذ تعهد على بندر بعدم التهريب الا انه مطنشهم ولا يسمع الكلام ..
المهم وصل للامير بن جلوي (http://www.al3zof.com/vv/t5473.html)أن بندر هرب بضاعه ولا قدروا يمسكونه فحلف بن جلوي (http://www.al3zof.com/vv/t5473.html)أن يقتل بندر اذا قبض عليه ومعروف عن بن جلوي (http://www.al3zof.com/vv/t5473.html)قسوته وشدته وجبروته أثناء حكمه للمنطقة الشرقية .. ووصل لبندر كلام الأمير وتهديده بس ما ارتدع ..


وفي يوم وبعد المغرب بشوي كان بندر نازل مع النفود بسيارته الونيت وتفاجأ أن حرس الحدود مخيمين أسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان (http://www.al3zof.com/vv/t5473.html)ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان (http://www.al3zof.com/vv/t5473.html)بالدور العلوي وراحت بنته تفتح الباب وبندر (http://www.al3zof.com/vv/t5473.html)يطق الباب بقوه وفتحت الباب وهي ما تعرفه ولا قد شافت بندر وقال لها أبوها من اللي عند الباب يا بنت قالت هذا كأنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل تركي بن ربيعان (http://www.al3zof.com/vv/t5473.html)وخلفه بنته معها القهوه التفت عليها بندر وقال

يا سخيف الذرعان (http://www.al3zof.com/vv/t5473.html)مانيب مرجوج
رجتنـي الدنيـا بغـدر وحيـلـه
يابنت لولا اللي على تاسع الفـوج
تركـت نجـد وعـزوه بالقبيـلـه
لا شك حاديني على نجد هيـدوج
مسقى الفيافي لين يـدرج مسيلـه
تركي لي من البلاوي غدن عـوج
حملـه عتيبـه كلهـا ماتشيـلـه
يرسى كما مينا البواخر على الموج
ومنيـن ماصـك البحـر ترتكيلـه
مادام تركـي حـي مـاودي ادوج
وان غاب غبت من الرجوم الطويله


عرف الشيخ بن ربيعان (http://www.al3zof.com/vv/t5473.html)من الأبيات أن بندر في مشكلة ويبي الفزعة وأبتسم الشيخ وقال أبشر يا بندر وش طلبك وأخبره بالسالفه وأنه خايف ينمسك ويبيه يشفع له عند ابن جلوي (http://www.al3zof.com/vv/t5473.html)قال له أبشر يا بندر وركب بندر مع الشيخ بن ربيعان (http://www.al3zof.com/vv/t5473.html)بسيارة الشيخ وراحوا للدمام ووصلوا لقصر الأمير بعد صلاة الفجر بدقايق وكان الامير سعود بن جلوي (http://www.al3zof.com/vv/t5473.html)متعود كل يوم بعد الفجر يجلس بالمجلس يتقهوى فأوقف بن ربيعان (http://www.al3zof.com/vv/t5473.html)سيارته مقابل المجلس بس بعيد وكان الوقت لا زال ظلام ونزل لوحده وسلم على الأمير وجلس بجانبه ولما صب المقهوي الفنجال لأبن ربيعان (http://www.al3zof.com/vv/t5473.html)نزل الفنجال على الأرض ووالتفت عليه بن جلوي (http://www.al3zof.com/vv/t5473.html)وقال وش فيك نزلت الفنجال قال بن ربيعان (http://www.al3zof.com/vv/t5473.html)لي طلب قال اشرب فنجالك واللي تطلبه جاك فشرب بن ربيعان (http://www.al3zof.com/vv/t5473.html)الفنجال وقال طلبه وزعل بن جلوي (http://www.al3zof.com/vv/t5473.html)وقال والله لو اني داري انك جاي علشان بن سرور (http://www.al3zof.com/vv/t5473.html)كان ما عطيتك طلبك وأنت تدري اني غاضب منه لكن دامك شربت الفنجال فطلبك جاك .

[السد العالي]

شكرا تكنولوجيا والسالفه معروفه وسعدتنا بطرحها اجل انت عتيبي يا تكنولوجيا كفشناك

[تكنولوجيا المعلومات]

لا ماكفشتني انا من الأرجنتين .

[ابوسلطان7]

شكري وتقديري لكل من طرح الموضوع الجميل ومن شارك فيه

والشاعر بندر بن سرور شاعر غني عن التعريف وقصايدة مميزة

ولدي توضيح بسيط

مرت علي هذه القصيدة قديما ولا يختلف اثنين على جمالها

ولكن ذكرت ان بندر ذهب لتركي بن ربيعان واللذي سمعته من قبل

ان الشاعر بندر بن سرور كان في ذالك الحين من اشد المقربين لتركي بن حميد وليس بن ربيعان

وقصيدة ياسخيف الذرعان في بنت تركي بن حميد

هذا مالدي وننتظر منكم التأكيد وانتم اعلم ان شاء الله

احترامي وتقديري لكم

[السد العالي]

شكرا لك نجمة سهيل وبستلم تكنولو جيا الأرجنتيني اول مره اشوف عتيبي ارجنتيني ههههههه انا قابلت فلسطيني من الحفاة من عتيبة اما ارجنتيني فهو تكنولوجيا هههههه امزح لا احد يزعل اعزائي

وشكرا ابو سلطان7 ونعم بتركي بن حميد وجميع شيوخ القبايل ؛؛؛

واللي سمعته من الشيبان انه تركي بن ربيعان والله اعلم

[تكنولوجيا المعلومات]

صباح الخير جميعا .. على حد علمي أن شيخ قبيلة شمل عتيبة أبن حميد . وأبن ربيعان من شيوخ عتيبة . لكن اللي متأكد منه أبن ربيعان حاليا أمير فوج بالحرس الوطني (الشيخ نايف بن ربيعان كان يدرس معاي بجامعة الملك سعود بالقصيم وكان بنفس الوقت أمير الفوج حتى أن دكاترته الجامعة يقولون له تفضل سعادتك وحظرتك وكان معاه مرافق داخل قاعة المحاظره) ونعم الرجل الله يذكره بالخير . رجعت للأستاذ جوجل ويقول ان بندر بن سرور أستنجد بأبن ربيعان . وانا أرجنتيني وماعرف بقبيلة عتيبة كثير . أسألوني عن ركلمي وميسي وبونس أيرس والتانجو .

[السد العالي]

والله لولا اللي علي تاسع الفوج

تدل علي تركي بن ربيعان وبعدين يا تكنولوجيا انا احب بيونيس ايريس وكاراكاس في فنزويلا

فنزويلا قمة في الروعة طبيعه خلابه وبحيرات وجمال سبحان الله

[تكنولوجيا المعلومات]

أجل مشينا جوله لأمريكا الجنوبيه تبدأ من ريودي جانيرو وتنتهي بكاراكاس ... أنا أضمن لك تشوف شئ روعه بس بصراحه ماضمن لك الأمان عندهم . ترى امريكا الجنوبيه مافيها الا البرازيل والارجنتين وفنزولا والباقي كأنك بداهليس أفريقيا . للمعلومية البرازيل والأرجنتين تطالب مع الهند بالأنظمام لمجلس الأمن الدولي كأعضاء دائمين . يعني بأختصار مع الدول العظمى امريكا روسيا الصين فرنسا بريطانيا . http://www.yemencsf.org/vb/showthread.php?t=4418 (http://www.yemencsf.org/vb/showthread.php?t=4418)

[تكنولوجيا المعلومات]

خلاص عليك التذاكر وحجز الفنادق وانا ونجمة سهيل علينا شاي البتون والقهوه والهيل انا بصراحه ماعرف اسوي قهوه لكن اعتقد نجمة سهيل يضبطها وانا بأضبط لكم الشاي . :mwalat32:

[السد العالي]

ماشاء الله اجل خلاص نويتوا وخليتو علي اصعب شئ الحجز والفنادق طيب بحجز لي درجة اولي ولكم ضيافة ولا رجال اعمال وبحجز لي رويال سويت وانتم غرفة مفردة وبحجز لي طيران داخلي واتمشي بكل فنزويلا والأرجنين وبعنز علي ربع رونالدو تراهم اجاويد وبالنسبة للأضاءة انا احب انام بظلام مره مافيه نور واما الشخير الخمدلله ما اشخر الا اذا كنت مرهق مره مره بس اصحي من النوم واوقف الشخير وارجع انام ههههههههه
انا اضبط لكم القهوة وانا ادق القهوة ابي اردد قصيدة دغيم الظلماوي ياكليب شب النار ياكليب شبه ياكليب عليك شبه والحطب لك يجابي لين اوصل اليت اللي يقول في
باغي ليا شبيتها ثـم قبـة && تجلـب لنـا ربعـا سـراة iiغيابـي
واوقف عشان هذا البيت لكم بس الفنزويليين مايعرفون هذي القصيده
وبعد اضبط لكم الذبيحة اذبح واسلخ جلدها بس تعاونوني نجمة سهيل ماسك الساطور وتكنولوجيا يمسك الكرش وينظفها لإني ما اتحمل ريحة الكرش والله وبعدين اقطعها مفطح 3 اضلاع واشلوط المقادم والراس وش تبون اطبخها برميل مدفون بالرمل علي حطب السمر
ولا اطبخها بحليب معزه ولو فيه فقع (زبيدي) نطبخه معه اممممممممممم ذكرتوني بطلعات الصمان آآآآآآآآآه الناس صايمه وفتحنا شهيتكم وبعدين اضبطلكم الشاهي تلقيمة الربيع علي جمر السمر وبعدين تفيض قريحتي علي عذب القصيد وجزل المعاني في كاراكاس وطيب اهلها بس تراني راعي مقالب ومقالبي صعبه اللي بيزعل من هالحين لايروح معنا هههههههههههههههههههه ياويلكم من مقالبي هههههههههه

[السد العالي]

وينكم مارديتوا زعلتوا خلاص بحجزلكم معي رويال سويت و تذاكر فيرست كلاس ومابيكم تسلخون الذبيحه معي وبآخذكم لجزيرة مارجريتا وهناك بنطق الخيام وبيت الشعر وآآآآآآآآآآآه لو معنا ذود من الأبل وضح ومجاهيم والله لتضبط الجلسه عزالله مارجع من غير شر الا بعد سنين بس مشكلتي ما اعرف لغة اسبانية اللي هي لغتهم بس ماعندنا مشكلة اخوانا السوريين واللبنانيين متجنسين هناك يالله انتظر ردكم ............

[تكنولوجيا المعلومات]

البرازيل لغتهم برتغاليه يارونالدووووو ههههههههههه بعدين أنت وين طالع بر ؟ تبي تذبح وتصلخ ههههههههههههه وش استفدنا نقلبها الثمامة وخالصين . ياحبيبي أنت الحين على ظفاف الأمازون أغزر نهر بالعالم مافيه لاوضح ولا مجاهيم .. مافيه الا تماسيح أنتبه لنفسك . أحنا الحين سواح عرفت كيف يعني نلبسك جنز وكاب مافيه ثوب وفروه أنسى حتى حليب الخلفات وأنتبه من لحم الخنزير ترى أكلهم ملغم :mwalat35:. بعدين يالملياردير لو حجزت مثلا سويت لحالك هل مثلا تتوقع أنك بتستانس وأحنا مو معاك ؟؟؟ صدقني بأقعد أنا ونجمة سهيل بغريفه صغيره لكن مبسوطين على الأخر وماتسمع الا ضحكنا وأنت بسويتك وأخرتها تطق علينا الباب ههههههههههه تكفون أفتحو ضايق صدري بسولف معاكم ههههههههههههه وطبعا وقتها بنتشرط عليك :mwalat3::mwalat3::mwalat3: أولا : انا بصراحه مابي نروح فنزولا هذولا دوله ثوريه ولاتعجبني سياستهم وغير اصدقاء لنا . ثانيا : انا اعرف فعاليات ومهرجانات ريودي جانيرو ونجمة سهيل يقول انه يعرف ( لولا ) رئيس البرازيل السابق وانه سمع انو جينا البرازيل وعزمنا ولزم علينا ومثلك عارف عيب نرد الرجال لازم نحظر . ثالثا : ترى نجمة سهيل صارحني انه مايعرف يصلح القهوه وانا بعد ماعرف يعني فيك فيك . اما بالنسبه لأشعارك يا ياسر التويجري لازم نتأكد أول شئ من شاعريتك .. عطنا كم بيت نشوف تعجبنا ولا لا .

[تكنولوجيا المعلومات]

خلاص كيفك خل السويت ينفعكم .. ترى بتبلشون ببعض وماتعرفون تصرفون أموركم وأبقعد أنا بغريفتي الصغيره وبتطقطقون علي الباب لاضاقت صدوركم بس ماراح تلاقوني .. أكيد رح أكون علاقات بسرعة . تدورون علي من بكره تلاقوني رايح ساوباولو مع شلتي الجديده :mwalat41::mwalat41:

[السد العالي]

يا تكنو ويا نجمة انا بصراحه احب الجمعه وحشرة مع اناس عيد وبعدين ابرازيل متحرره اكثر من فنزويلا اخاف تنحرفون بالبرازيل وابتلش ففيكم فنزويلا طبيعة خلابه وناس هادئين اما البرازيل ناسها الله يستر علينا صح فيها طبيعه حلوة وأجواء روعه بس ماهي مثل فنزويلا علي العموم اللي يريحكم بس لازم نأخذ معنا عزبتنا راح تحنون للكبسات حنا السعوديين والله مانعيش بدون كبسه رز ولا دجاج بس نيغالنا رابع عشان يكملنا بلوت ...

[تكنولوجيا المعلومات]

والله رابع البلوت فكره ممتازه . بس ماضن بيكون عندنا وقت للبلوت .اما فنزولا تراهم منتهين وقاضين استريح بس بعدين حنا ناس عاقلين لو برازليه تحرشت فيني ولا شئ بأجي اعلمكم على طول .

[السد العالي]

والله غلبتوني خلاص نطلع الصمان وادعوا ترا مابقي شي علي نجمة سهيل والعرب قالت لا شفت سهيل لاتأمن السيل الله يجيب الخير دعواتكم الله يسقينا ويغيبها برحمته والله يجيبلنا الربيع الطيب وأبشروا بالعلم الغانم بلا امريكا الجنوبية مشوار بالطياره تطفش ماوصلت وتقبل الله صيامكم
وياهيه قصيده احبها لإنها حزينه وياتكنولوجيا بلبس شورت وقبعه وشنطه علي ظهري وبصير مثل الخواجات ونستكشف الامازون ههههههههه. ونجمة سهيل. يمسكه من رجليه وبنزله طعم التماسيح ههههههههه. بس ماخليهم ياكلونك والله روحي دون روح أخوياي. سلامتكم عندي. الدنيا ههههههههههه. امزح فديتكم. *.

استودعكم الله اسعدتونا. الله يسعدنا وأياكم بالدنيا والآخره احتمال أسافر اليوم
دعواتكم لي الله لايحرمكم الأجر والجنة. السلام عليكم

[تكنولوجيا المعلومات]

الله يسهل عليك ويوفق وترجع باالسلامه

[تكنولوجيا المعلومات]

ياهيه إلتفت لي وإسمع دعاي لك يا هيه
ترى عادتك تشبع من البعد واتواجه

دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه

عليك الفؤاد إخلاجه مصمخ راعيه
خف الله في راعيه ما تسمع إخلاجه

ترى العفو قد جاك أوله وإغتنم تاليه
وترى الحلم بحرٍ غير لا تامن أمواجه

وترى الود ليلٍ مظلمٍ جيتلك ساريه
سراجه وصالك والجفا ينفخ سراجه

وترى قصرنا اللي كم سنة نجمع ونبنيه
هوى العذل طيح بابه العود وسياجه

لي أيام مدري وين دارك ولا أدري ليه
وأنا خابر إني باب شفك ومزلاجه

غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة

نضج قلبي من البعد وش حاجتك تكويه
جفاك الجمر والصبر في بعدك الصاجه

وطبع حبك بقلبي والأيام ما تمحيه
هذا هجرك يحاول يموجه ولا ماجه

يموت الأمل لكن ظنون الغلا تحييه
وعروق الوفا فالروح والقلب وجاجة

خبرتوا حدٍ يبكي على واحدٍ يبكيه
وخبرتوا حدٍ مسجون ما يبغي إفراجه

أحبه ولا أبغضته على شيٍ يسويه
ولا زالت رقاب الرجا فيه منعاجة

عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه

فقد خاطري شي من الضيقة مسليه
وغدت روحي من الناس والليل هجاجة

أروح لمكانٍ خابره .. خابره يأتيه
أسوق القدم صوبه وهي مالها حاجة

مكانٍ نزيه وأول مواجهي له فيه
وأنا خابرٍ ما رجل مثله بدواجة

لعل وعسى ما حدني للمجي يدعيه
وأشوفه وأنا ما ودي أسبب إحراجه

يحب الجريح آخر دروب اللقى ويجيه
وتحب القدم جية مكان أول مواجه http://ghala.roo7.biz/t2334-topic

[تكنولوجيا المعلومات]

عزيزي نجمة سهيل بما أنك عضو مميز بالمنتدى ونشيط ماشاء الله عليك وذويق ودائما ما تثري معلوماتنا وتثري المنتدى بكل ماهو مفيد حبيت أن أهديك هذه القصيده الرائعه لخالد الفيصل وعلى فكره القصيده غير مشهوره وأتمنى تعجبك وطبعا العرض للجميع لكن بأسم نجمة سهيل .

لا يطول غيابك ثم اخذ عليه

لو تخليت عني عنك قلبي تخلى


العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يوم يوم بالعمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى



كلمات خالد الفيصل

[فرع المياه]

هلا بالشباااااااااااااااااب والله سوالفكم روعة

اذا انتوا معزمين على السفر تراااااااااااااااني معكم

[السد العالي]

[quote=فرع المياه;19244]هلا بالشباااااااااااااااااب والله سوالفكم روعة

اذا انتوا معزمين على السفر تراااااااااااااااني معكم[/


حياك الله يا مراقبنا العزيز تعال معنا وابشر بسعدك رحلة من فنزويلا وجزرها في الكاريبي وكولومبيا وننزل ريودي جانيرو وشوف جمال الطبيعه بس فيه شروط لازم تلبس شورت وقبعه وحقيبة ظهر كبيره ولازم تتعلم السباحه عشان نهر الامازون تماسيح وثعابين الله لايوريك هاه صامل وبحط قصيده نرددها وحنا بيخت علي الامازون

هذي قصيده لابن فطيس حلوه بس فيها موسيقا وعجزت اشيل الموسيقا

http://www.youtube.com/watch?v=xaxfkjAh70Y&feature=youtube_gdata_player

[السد العالي]

هههه انا مقالبي حليوه اقلها احط طراطيع تحت الحطب واخلي تكنولوجيا يشب النار
واحط ملح بدل السكر بالشاي واذا رحنا السوق اصقع واحد علي قفاه والزقها بتكنو لوجيا هذي بسيطه هههههه لما نسافر ياماحتشوفوا حركات فله

اما نجمة بحطه طعم للتماسيح بربطه من رجليه ليديه وانزله طعم للتماسيح واول تمساح يجي طاير بنشن عليه بشوزن واصيده واصور التمساح ورجلي علي راسه ونجمة سهيل مربط ومعلقه من رجليه وتكنولوجيا يسوق اليخت بس ياخوفي يهجول فينا بالامازون ثم نروح عشي للتماسيح بس راح نكون نحيفين من الصيام والدوام ههههههههه
هاه وش قلتوا شباب تصدقون اني اسوي كذا ههههه

[تكنولوجيا المعلومات]

ههههههههههههههههههههههههههه شف يا السد العالي انا معاك في كل شئ . الا نجمة سهيل ما اعطي عليه ابد . اذا أنت ملزم على المقلب ..>>>>> فرع المياه حبيب وماراح يزعل منا ابد :mwalat40::mwalat40:

[السد العالي]

فرع المياه توه داخل معن ضيف مهو ا علي طول نلبسه مقلب الا انت ونجمة سهيل امون عليكم اما نجمة سهيل بحطله تمساح وسط تحت سريره وحية ٦ متر طبعا غير سامه في شنطته وانت تكنولوجيا بحطلك ورل علي كيف كيفك سرعته ولا سرعه كورفيت zr1 وبقفل عليك الغرفه ههههههههه واصورك وعلي اليوتيوب ونجمة سهيل بشوف وش راح يسوي تمساح احسن احطه له ورا باب الحمام اعزكم الله عشان اول مايصحي من النوم ويدخل يقفل الباب خلاص راح في خرايطها ماعاد يقدر ينحاش اين المفر ماتسمع لا صراخه يهز ريو ديجانيرو هههههههه وحية ٦ متر بالشنطه خلاص بيرجع شعر راسه ابيض عزالله بتحرمون السفر معي هههه امزح فديتكم 'ةة

[نجمة سهيل]

أبد السد العالي حققت لي أمنيه قديمه اللي يصارخ موب انا تراه التمساح
وحيه موب سامه لالالالالالالالالالالالالالالالالالالالالالالاابغا ها سامه بمعنى الكلمه وبشوف من اللي بيصارخ:mwalat24:
تراني راعي بران وضببه وعايش مع الثعابين :mwalat17:
انا ماني مسوي مقالب كبيره يكفيك ملعقه صغيره منوم وعليها شخير يهز العاصمه :mwalat15::mwalat3:
شكرا تكنولوجيا انك دافعت عني انت عفيت عنك:mwalat35: مافي مقالب لك بحطك وسط عيوني
جينا لفرع المياه:mwalat26:
مقلبه بسيط بنخليه يراقب على السد العالي يعني مراقب وبس اسم على مسمى
مساكين الاثنين بيتمون بالغرفه راحت عليهم الرحله:mwalat14:

[نجمة سهيل]

عزيزي نجمة سهيل بما أنك عضو مميز بالمنتدى ونشيط ماشاء الله عليك وذويق ودائما ما تثري معلوماتنا وتثري المنتدى بكل ماهو مفيد حبيت أن أهديك هذه القصيده الرائعه لخالد الفيصل وعلى فكره القصيده غير مشهوره وأتمنى تعجبك وطبعا العرض للجميع لكن بأسم نجمة سهيل .


لا يطول غيابك ثم اخذ عليه

لو تخليت عني عنك قلبي تخلى





العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يوم يوم بالعمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى



كلمات خالد الفيصل




شكرا على الاهداء :mwalat4::mwalat32:
وانا بدوري اهديها لكل من يقرأها

[نجمة سهيل]

هلا بالشباااااااااااااااااب والله سوالفكم روعة

اذا انتوا معزمين على السفر تراااااااااااااااني معكم


حيا الله مراقبنا الغالي فرع المياه
تحب تروح ترانا راعين دردشه نحب نسولف
حاب تنظم لنا العين والقلب اوسع لك من هذا المربع
بس ها يوميا تدخل وتحط رد
قدرت كان بها ماقدرت ربي يحفظك:mwalat35:

[نجمة سهيل]

هههه انا مقالبي حليوه اقلها احط طراطيع تحت الحطب واخلي تكنولوجيا يشب النار
واحط ملح بدل السكر بالشاي واذا رحنا السوق اصقع واحد علي قفاه والزقها بتكنو لوجيا هذي بسيطه هههههه لما نسافر ياماحتشوفوا حركات فله

اما نجمة بحطه طعم للتماسيح بربطه من رجليه ليديه وانزله طعم للتماسيح واول تمساح يجي طاير بنشن عليه بشوزن واصيده واصور التمساح ورجلي علي راسه ونجمة سهيل مربط ومعلقه من رجليه وتكنولوجيا يسوق اليخت بس ياخوفي يهجول فينا بالامازون ثم نروح عشي للتماسيح بس راح نكون نحيفين من الصيام والدوام ههههههههه
هاه وش قلتوا شباب تصدقون اني اسوي كذا ههههه

وش يالحبيب ومعلق من رجولي ليه بتضحي فيني
المشكله انا بيحلي فيني
بس التمساح عينه على اللي ماسك الشوزن اكله دسمه
يلا تكنولوجيا وريني سياقتك ابغى العداد على الآخر بعزز لك ااااااااااااااااااه يالسد العالي ياحلوك وانت تصارخ من الروعه :mwalat15::mwalat15::mwalat15::mwalat28:

[فرع المياه]

حياكم الله

اولا وقبل كل شي مقالب في الرحلة والله ما حب

يعني نفسي في طرف خشمي مقلب واحد بمشيه الثاني بيروح واحد للمستشفى


ثانيا وقت النوم نوم يعني حركة قم بدري وكافي نوم بعد ما احب

هذي شروطي وش رايكم

[نجمة سهيل]

وحياك الله فرع المياه
هذا المطلوب واحد معنا نفسه بخشمه
عني انا بطلت من تنويم السد العالي جت لي هديه
انت معاه بالغرفه وان نمت ماعلي غير امشي ريشه على اذنك او ادغدغ رجولك او ارش عليك مويه وطبعا تكنولوجيا بيراقب معي وانت والسد العالي تفاهموا
يلا تكنو الرحله صارت بالمــــــــــــــــــــــــــــــــــــــــــــــ ره حلوه

[تكنولوجيا المعلومات]

نجمة سهيل يالغالي تبغاني أطلع أبداعاتي بالسد العالي هههههههههه تبغاني أطلع مهاراتي وخبرتي بالسد :mwalat3::mwalat3::mwalat3:

[نجمة سهيل]

[QUOTE=تكنولوجيا المعلومات;19327]نجمة سهيل يالغالي تبغاني أطلع أبداعاتي بالسد العالي هههههههههه تبغاني أطلع مهاراتي وخبرتي بالسد :mwalat3::mwalat3::mwalat3:[/


ياليت وريني فيه مهارتك هو واللي نفسه بخشمه نبغى نشوف مضاربات ذا روك والشبح
انا طعم لاوريك
ولاتنسى وش مسوي فيك
ابغى مهاره ينعطى عليها شهاده

[السد العالي]

طيب يعني سويتوا تحالف طيب انا راح ادخل المختبر المركزي واعملكم خلطات صوديوم وخلافه وخلاص ماراح اعلن خطط سرية يانجمة سهيل واما تكنولوجيا المعلومات راح اعطيه فايروس من نوع وورم مثل الفايروس الشهير (ilove you)اللي خسر العالم مليارات الدولارات ولما يدخل المنتدي راح تخش معلوماته ببعض هههههه تقوله سلام يقولك الفروقات مانزلت تقوله وينك يقول الحين رحت وجيت بكره وبالنسبه للي نفسه بخشمه ويحب النوم راح اسحبه وهو نايم واحطه بالبلكونه واحط جمبه عجره اصليه من النوع الثقيل واللي راسها مدور وفيه مسامير واربط تمساح من النوع الطيب بحيث ماياكل بس فاتح فمه والله لايوريكم التمساح وهو فاتح فمه واقفل عليه باب البلكونه واسحب تكنولوجيا المعلومات واحطه جمب باب البلكونه واحط المفتاح بيده وبشوف اقوي مضاربه بالتاريخ مين ينتصر ههههههههههه والحين يا نجم سهيل خل تكنو ينفعك هههههههههههه اااااااااي
ميت من الضحك *
حرام عليك يانجمة سهيل خليت موضوعي مسلسل رمضاني اكثر من 350 مشاهده خلاص بوقف راح يزعلون الشباب ادري ماراح يتحملون مقالبي وشلون اجل لما اشتري طراطيع من النوع اللي يحبها قلبك صواريخ ام صوت واشبها عليكم ولا اللي يقذف الوان ابو 30 لون ولا اشب ليف المواعين واربطه بحبل والف دوائر ويتناثر الشرار حوالي هههههههههه ولا احط شرخ الأحمر في سيجارة تكنولوجيا واشبها له وياخذ نفسين الا الله لا يوريك انفجار ههههههههه
الله لا يؤاخذنا العذر اعزائي امزح فديتكم لاتزعلون هذذي نوسع صدورنا فيها كل واحد عنده هموم واحزان نفرغ هنا شحناتنا لا احد يآخذ بخاطره مني الله يخليكم ويسلمكم

[نجمة سهيل]

طيب يعني سويتوا تحالف طيب انا راح ادخل المختبر المركزي واعملكم خلطات صوديوم وخلافه وخلاص ماراح اعلن خطط سرية يانجمة سهيل واما تكنولوجيا المعلومات راح اعطيه فايروس من نوع وورم مثل الفايروس الشهير (ilove you)اللي خسر العالم مليارات الدولارات ولما يدخل المنتدي راح تخش معلوماته ببعض هههههه تقوله سلام يقولك الفروقات مانزلت تقوله وينك يقول الحين رحت وجيت بكره وبالنسبه للي نفسه بخشمه ويحب النوم راح اسحبه وهو نايم واحطه بالبلكونه واحط جمبه عجره اصليه من النوع الثقيل واللي راسها مدور وفيه مسامير واربط تمساح من النوع الطيب بحيث ماياكل بس فاتح فمه والله لايوريكم التمساح وهو فاتح فمه واقفل عليه باب البلكونه واسحب تكنولوجيا المعلومات واحطه جمب باب البلكونه واحط المفتاح بيده وبشوف اقوي مضاربه بالتاريخ مين ينتصر ههههههههههه والحين يا نجم سهيل خل تكنو ينفعك هههههههههههه اااااااااي
ميت من الضحك *
حرام عليك يانجمة سهيل خليت موضوعي مسلسل رمضاني اكثر من 350 مشاهده خلاص بوقف راح يزعلون الشباب ادري ماراح يتحملون مقالبي وشلون اجل لما اشتري طراطيع من النوع اللي يحبها قلبك صواريخ ام صوت واشبها عليكم ولا اللي يقذف الوان ابو 30 لون ولا اشب ليف المواعين واربطه بحبل والف دوائر ويتناثر الشرار حوالي هههههههههه ولا احط شرخ الأحمر في سيجارة تكنولوجيا واشبها له وياخذ نفسين الا الله لا يوريك انفجار ههههههههه
الله لا يؤاخذنا العذر اعزائي امزح فديتكم لاتزعلون هذذي نوسع صدورنا فيها كل واحد عنده هموم واحزان نفرغ هنا شحناتنا لا احد يآخذ بخاطره مني الله يخليكم ويسلمكم
أنا آسف السد العالي ان كانك حاس اني سويت موضوعك مسلسل بس وش اسوي وين مااروح القى اني ورد المنتدى الحب من الله
وتبغى تصير انت الورد خلاص على راحتك
ابنهي دوري
شف بعد مايقوم فرع المياه بيشوف التمساح معه وتكنو معاه المفتاح بيكسر الباب بالعجره ويطلع وعينك ماتشوف
المضاربات الله يستر اللي عينه واللي جبهته وانت تضحك بشكل جنوني وبس فجاءه بيسكت الكل نجمة سهيل وينه ماله حس بتجون راكضين لغرفتي وتشوفوني على سريري وحاط بيدي ورقه ماتدرون وش فيها واحد منكم بيقول مسكين من تعب الكتابه نام ماحس اما الثاني بيقول لا نحمة سهيل فيه شي ماحس بوجودنا وهو نومه خفيف لاقل شي يحس والثالث يسحب الورقه وش يلقى فيها بيلقى اسماءكم واسما آخرين كلهم ذكرهم نجمة سهيل ورسم قلب ابيض وقال انتم غلاي كله
ولما تمسكون بيده اللي كتبت لكم هذا الكلام تشوفون انها بارده وينتهي دوره بموته وهو ماناسي اصحابه بأصعب اللحظات
انهيت دوري لاتزعل

[السد العالي]

بعد الشر عليك سلامتك ياخوي نجمة سهيل ان شاء الله عدوينك لا تزعل مني لا تكون حساس ؛؛؛؛؛؛ أعتذر منك وآسف علي اي إساءة بدرت مني من غير قصد

عزيزي فرع المياه اعتذر عن اي اساءة بدرت مني من غير قصد وعزيزي تكنولوجيا المعلومات اعتذر عن اي اساءة من غير قصد ؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛ ؛؛؛
والله رحله جدا رائعه وعشتها كأنها حقيقه ونعم الأخوة يانجمة سهيل ويا تكنو ويا فرع المياه واكن لكم كل احترام وتقدير واحبكم فديتكم وترا ما انتهي دورك يانجمة لا ابتدأ دورك وسفرتنا الجاية إن شاء الله يا أوستراليا ولا كوت ديفواغ ساحل العاج او جنوب افريقيا او اوغاندا خطط لنا يانجمة سهيل شكلك راعي سفريات
واشوفكم علي خير تقبلوا تحياتي ننتظرك سلام

[نجمة سهيل]

السد العالي وش صار انهيت دور موب صدق وان حصل هذا أمر الله
ابد ماني زعلان والرحله بالمره حلوه على الاقل كانت معكم
حط ببطنك يطيخه صيفي بس يعد الفطور
وتكنو وفرع معزومين على الرحله الجديده
استراليا اسماك القرش كثيره وافريقيا تبغانا هالمره نلبس ريش كأننا ديكه
ياأخي خلها لرومانيا على الاقل ممكن نشوف رادوي
تقبل تحياتي ومابينا زعل لو حطيتني بفم الحوت وطبعا بتكون معي
ههههههههههههههههههههههههههه:mwalat15:ههههههههههههه هههههههههههههه

[فرع المياه]

بتحطون تمساح بتحطون اسد

اهم شي اناااااااام وبعدين اللي يحط الريشة على الرجلين ويسحب الفراش

اذا صحيت لا يزعل لان حركة ( جون سينا ) بتصير معه

والله يعينه

[نجمة سهيل]

بتحطون تمساح بتحطون اسد

اهم شي اناااااااام وبعدين اللي يحط الريشة على الرجلين ويسحب الفراش

اذا صحيت لا يزعل لان حركة ( جون سينا ) بتصير معه

والله يعينه

يالحبيب اهم شي انك تعرف نقطه ضعف اللي معاك وهذا اللي سويته النوم ياعيني لاخليك تتمنى النوم وممكن تنام وانت قاعد زي ماسوى جيري بتوم
اشوفك كل 3 أيام تدخل المنتدى وتغيب أتاريك نوام
يالغلا قل للنوم بوجودي باي باي الا اذا انا نمت
انت عرفت نقطة ضعفك والباقين بعد
السد العالي راعي مقالب بس قلبه طيب من انهيت دوري تأسف وتراجع يعني ادق على الوتر الحساس كل شوي بقوله بنهي دوري
وتكنولوجيا راعي تمشيات الحبيب ويحب يكون بحاله بمشاويره رجلنا على رجلك يالغالي
حركة جون سينا تحسبني كالي بمشيها بمشيها واسوي اكثر انت بس قول بنام:mwalat24::mwalat14::mwalat13::mwalat2:
واتحداك تعرف نقطة ضعفي
يلا بسرعه راجع المشاركات يالله مالقيت شي

[تكنولوجيا المعلومات]

رومانيا ممتازه وأجمل أجمل أجمل مافي أوربا في كل شئ والأنهار حدث ولاحرج والبحر الأسود والجبال والسهول والحيوانات البريه .. مابي أطول عليكم (رومانيا مافيها لاتراب ولاغبار) والسبب بكل بساطه كلها خظراء . رحت لها 2001م وجيت معظم المدن الحلوه العاصمة بخارست - براشوف أحلى مدينه وفيها شارع مثل نظام الشانزليزيه - سنايا كلها جبال وسهول خظراء - كوستانتا ونبتون مدينتين على البحر الأسود شواطئ تعجبك يالسد العالي - أنت بس تعال معانا ههههههههههههه رومانيا بأخذكم رحلة بالقطار من بخارست لبراشوف حوالي 350 كيلو وطبعا الرحله ممتعه مو مثل قطار الرياض الأحساء طول الطريق ماتشوف الا صحراء وغبار واللي معاك بالقطار يجيبون الهم . رحلة قطار برومانيا لأي مدينه كأنك داخل حديقة سفاري طول الطريق ماتشوف الا حيوانات بريه وأنهار وكل شئ أخظر . تخيل عاد يا السد العالي الرحله كيف متعه وأنا ونجمة سهيل مسفهلين ونضحك وأنت وفرع المياه ماتدرون وش حطيت لكم بالعصير اللي شربتوه :mwalat40::mwalat40: انا ونجمة سهيل فالينها طول الرحله وأنتم مساكين تتهاوشون على الحمام حاط لكم زيت خروع . :mwalat40::mwalat40:

[السد العالي]

الله الله تكنولوجيا طلعت رحاله ابن بطوطه
حلوه رمانيا برانشوف احلي من بوخارست ورومانيا كانت مزرعه لأحد ملوك فرنسا وفيها دببه مفردها دب كان الملك الفرنسي يتصيد الدببه في رومانيا بس ليه مارجت قصر دراكولا حلو وقصته روعه
دراكولا امير روماني كان يقاتل مع جيوش تقاتل الأمبراطورية العثمانية و كان يحب وحده يحبها حب موووووووووت وكانت الكنيسة هي الحاكمه في وقتهم وقالوله القسيسين لازم تقاتل حتي تنتصر النصاري وكانوا ينصبون عليه يقولون راح نزوجك حبيبتك لما ترجع من الحرب ولما يرجع يقولون له المره الجايه تتزوجها المهم لما حسوا انه راح يتزوج هالبنت ويترك الحرب المقدسه راحوا واسجنوها في برج ولما رجع كدبوا عليه قالواله حبيبتك تركت المدينه وتزوجت واحد ثاني الرجال انقهر وانهار ورجع المعركه يقاتل بشراسه وطول في الحرب كره البلد اللي فيها عشيقته لإنها حسب كلام القساوسه انها خانته ورجع بعد سنين للبلد ولا حبيبته اللي كانت مسجونه في برج حدفت نفسها من البرج من القهر ماقدرت تصبر علي حبيبها ولما عرف القصه انهبل واجن وكره الناس والكنيسه وهجر الناس وراح سكن في قصر بعيد عن المدينة ولايطلع للناس احتجب يطلع باليل وبالنهار ينام عشان كره الحياة لين مات وهادي قصت دراكولا اللي ضخمتها هوليود وحطوه مصاص دماء والجميل في قصر دراكولا انه قصره واغراضه وسريره الي ا\لان متحف بنزوره واصير مرشدكم في رومانيا وتري بلغاريا جمبها نروحلها بالقطار رحله جميله :mwalat15::mwalat15::mwalat15:

[تكنولوجيا المعلومات]

دراكولا فعلا امير روماني لكن سالفة مصاص دماء هذا خرافه . موجود قصره على شكل مغارة . بلغاريا جيتها وبالقطار بعد وكنت مخطط رحلة بالقطار وفعلا حجزنا تذاكر على قطار تركي من بخارست على صوفيا عاصمة بلغاريا على أسطنبول . لكن خربت الرحلة بعد مادخلنا صوفيا بوسط بلغاريا رجعونا عشان ما كان معانا فيزا . رجعنا لرومانيا على قطار ثاني وكملنا الرحله برومانيا كان هذاك اليوم 13 سبتمبر 2001 ونبي نرجع لأقرب بلد عربي بس رجعنا رومانيا وكملنا رحلتنا ورجعنا طيران 17 سبتمبر . هذيك السنه ماكان فيه سفاره للسعوديه برومانيا ولا في بلغاريا . صار فية سفاره عام 2003 مع رومانيا . بعدها أنضمت رومانيا لدول الأتحاد الأوربي . تغير الوظع كثير كانت عملتهم أسمها (لي) كان المليون يعادل 129ريال . الحين عملتهم (يورو) ههههههههههه . كانت الأسعار شئ خيالي كأنك تأخذ كل شئ بلاش . الحين الله أعلم لكن البلد اكثر من حلوه .

[السد العالي]

كلامك صح بس حرام عليكم خربتوا رحلتكم عشان فيزا رومانيا رحت لها ايام عزها ايامها الدولار الواحد له حكي الله الدنيا تتغير سبحان الله حرام لو كملتوا لتركيا تشوف العجب حلوه ....

[تكنولوجيا المعلومات]

ههههههههههه رحت تركيا قبل رومانيا . بس مع الأسف يوم واحد بأسطنبول . حتى تركيا السنه هذي راح لها أخوي يقول كلها أوربيين وسعوديين يقول كل شئ فل مالك مكان من الزحمه . ماعاد بقى الا الأسكيمو مافيه زحمه .